خليفو غلام قادر

خليفو غلام قادر: خليفي غلام قادر ولد خليفي عبدالرسول 12 ڊسمبر 1929ع تي جاتي شهر ۾ جنم ورتو. ابتدائي تعليم جاتي شهر ۾، مئٽرڪ نووديالا هاءِ اسڪول حيدرآباد مان، انٽر آرٽس ڊي جي نيشنل ڪاليج حيدرآباد مان ۽ بي. اي سنڌ مدرسي ڪراچيءَ مان پاس ڪيائين، بعد ۾ ايل. ايل. بي سنڌ يونيورسٽيءَ مان پاس ڪيائين. تعليم مڪمل ڪري سياست ۾ داخل ٿيو، 1945ع ۾ ضلعي لوڪل بورڊ ڪراچي ۽ پوءِ ضلعي لوڪل بورڊ ٺٽي جو ميمبر بڻيو. 1962ع ۾ يونين ڪائونسل جاتيءَ جو چيئرمئن منتخب ٿيو، ساڳئي وقت ڊويزنل ڪائونسل حيدرآباد جو ميمبر رهيو. 1945ع ۾ ريجنل ٽرانسپورٽ اٿارٽيءَ جو ميمبر مقرر ٿيو. هڪ عرصي لاءِ سنڌ يونيورسٽيءَ جو ميمبر ٿي رهيو. 1962ع کان 1970ع تائين جرڳن تي ميمبر ٿي رهيو. 1972ع ۾ کيس اعزازي جسٽس آف پيس مقرر ڪيو ويو، هن کي سماجي خدمتن جي عيوض انعام ۽ اوارڊ به مليا. ڪجهه وقت وڪالت جي پريڪٽس به ڪيائين.

داخلا ۾ استعمال ٿيل تاريخون

1929.12.12  عيسوي

خليفي غلام قادر ولد خليفي عبدالرسول 12 ڊسمبر 1929ع تي جاتي شهر ۾ جنم ورتو.

شخصيتون - ڀاڱي جون ٻِيون داخلائون